പ്ലസ് വണ് പ്രവേശനത്തിന്റെ ആദ്യ അലോട്ട്മെന്റ് ലിസ്റ്റ്
പ്രസിദ്ധീകരിച്ചു. ആദ്യ ലിസ്റ്റ് പ്രകാരമുളള വിദ്യാര്ത്ഥി പ്രവേശനം ജൂണ്
30, ജൂലൈ ഒന്ന്, രണ്ട് തീയതികളില് നടക്കും. അലോട്ട്മെന്റ് വിവരങ്ങള്
www.hscap.kerala.gov.in വെബ്സൈറ്റില് ലഭിക്കും. അലോട്ട്മെന്റ്
ലഭിക്കുന്ന വിദ്യാര്ത്ഥികളെല്ലാം നിര്ബന്ധമായി അലോട്ട്മെന്റ് ലഭിക്കുന്ന
സ്കൂളില് ജൂലൈ രണ്ടിന് അഞ്ച് മണിക്ക് മുമ്പ് പ്രവേശനം നേടണം.
അലോട്ട്മെന്റ് ലഭിച്ചിട്ടും താല്കാലിക പ്രവേശനം നേടാതിരിക്കുന്ന
വിദ്യാര്ത്ഥികളെ തുടര്ന്നുളള അലോട്ട്മെന്റുകളില് പരിഗണിക്കില്ല. ആദ്യ
അലോട്ട്മെന്റില് ഒന്നാമത്തെ ഓപ്ഷന് ലഭിക്കുന്നവര് ഫീസടച്ച് സ്ഥിര
പ്രവേശനം നേടണം. മറ്റ് ഓപ്ഷനുകളില് അലോട്ട്മെന്റ് ലഭിക്കുന്നവര്ക്ക്
ഇഷ്ടാനുസരണം താല്കാലിക പ്രവേശനമോ സ്ഥിരപ്രവേശനമോ നേടാം. താതാക്കാലിക
പ്രവേശനത്തിന് ഫീസടക്കേണ്ടതില്ല. താത്ക്കാലിക പ്രവേശനം നേടുന്നവര്ക്ക്
ആവശ്യമെങ്കില് തെരഞ്ഞെടുത്ത ഏതാനും ഉയര്ന്ന ഓപ്ഷനുകള് മാത്രമായി
റദ്ദാക്കുകയും ചെയ്യാം. ഇതിനുളള അപേക്ഷയും പ്രവേശനം നേടുന്ന സ്കൂളിലാണ്
നല്കേണ്ടത്.