ഏകജാലക രീതിയിലുളള പ്ലസ് വണ് പ്രവേശനത്തിന്റെ രണ്ടാമത്തേയും അവസാനത്തേതുമായ അലോട്ട്മെന്റ് ലിസ്റ്റ് പ്രസിദ്ധീകരിച്ചു. വിശദാംശങ്ങള്www.hscap.kerala.gov.in എന്ന വെബ്സൈറ്റില് ലഭ്യമാണ്. പ്രവേശനം ജൂലൈ ഒന്ന്, രണ്ട്, മൂന്ന് തീയതികളില് നടക്കും. താല്ക്കാലിക പ്രവേശനത്തില് തുടരുന്ന വിദ്യാര്ത്ഥികള്ക്ക് ഹയര് ഓപ്ഷന് നിലനിര്ത്താന് ഇനി അവസരം ഉണ്ടായിരിക്കില്ല. അതുകൊണ്ട് തന്നെ അലോട്ട്മെന്റ് ലഭിച്ച എല്ലാ വിദ്യാര്ത്ഥികളും അതത് സ്കൂളുകളില് ഫീസടച്ച് സ്ഥിരപ്രവേശനം നേടണം. അലോട്ട്മെന്റ് ലഭിച്ചവര് അതത് സ്കൂളില് നിര്ബന്ധമായി ജൂലൈ മൂന്നിന് വൈകിട്ട് അഞ്ച് മണിക്ക് മുമ്പ് സ്ഥിര പ്രവേശനം നേടണം. പ്രവേശനം തേടേണ്ട ഏതെങ്കിലും തീയതികളില് ബന്ധപ്പെട്ട സ്കൂളുകള്ക്ക് അവധിയായിരിക്കുന്ന പക്ഷം ജൂലൈ നാലിനും പ്രവേശനം നേടാം. ജൂലൈ നാലിന് പ്ലസ് വണ് ക്ലാസുകള് ആരംഭിക്കുമെന്ന് ഹയര് സെക്കണ്ടറി ഡയറക്ടര് അറിയിച്ചു.
No comments:
Post a Comment